Answer |
Agar kisi shaks k maqam-e-peshab say koe liquid niklay aur wo ye na janta ho k wo mani hai,peshab hai ya koi aur cheez tu agar wo liquid shehwat k sath niklay,uchal ker niklay aur us k nikalnay k baad badan sust hogaya ho tu wo mani hai laihaza wuzu toot jaega aur ghusl-e-janabat bhi kerna hoga,laikin agar ye alamaat nah hoon tu wo mani nahi hai,laihaza agar wo peshab hai tu wuzu toot jaega magar ghusl nahi kerna parega.is k alawa agr wo liquid jo kabhi kabhi shehwat ubharnay par merd k penis say nikalta hay, tu usay mazee kehtay hain aur wo paak hoti hay aur us say wuzu bhi nahi toot ta aur ghusl bhi nahi kerna hota. (Ref:Ayatullah Sitsani(d.b),Tauzeehul masail 31th edition,maslah #70,345).
Istebra aik mustahab amal hay jo mard hazrat peshab k bad is wajah say anjam daitay hain ta k ye itminan ho jae k peshab ki naali may peshab baki nahi raha. Is ki bohat si tarkeebain hai aur jis terah bhi yaqeen ho jae k nali mai peshab baqi nahi raha hai albetta aik tareeqa ye hay k peshab say farigh honay k baad ultay haath(left hand) ki darmiyaani ungli (middle finger) ha us ko pakhanay k maqam say peshab ki naali ki jerh tak soontain(wipe) aur is k baad angothay ko peshaab ki naali k oper or aur angutay k sath wali ungli ko peshab ki naali k neechay rakhain or daba kar khatna k maqam tak le aaen phir 3 dafa jatkein. (Ref: Ayatullah Sistani(d.b),Tauzeehul masail 31st edition, maslah # 69)(Khuda aap ki tawfiqaat mein izafa farmaye).
|