Answer |
Talaaq ki chand sharten hain jin ki pabandi na ki jaye to talaq nahi hoti.
1. Talaq k waqt aurat haiz or nifaas say paak ho or is paaki k doran mard nay jima (intercourse) na kiya ho.
2. Talaq zabani di jaye yani likh ker talaq dayna batil hay or talaq nahi kehlay gi.
3. Talaq ka seegha sahi arabi main lafz e “طالق” k saath perha jaay.
4. Talaaq do adil(jo zaahiran gunahgaar na hon, or wajib kamon per amal kerte hon or haram kaamo say bachtay hon) gawahoo ki mojudgi men di jaye.
5. Zaruri hai k mard talaq apne ikhtiyar se de or agar use apni bivi ko talaq dene par majboor kia jaye tu talaq batil hai.
6. Mard talaq k waqt talaq ki niyat rakhta ho, layhaza agar wo maslan mazaaq ya nashe ya ghusse ki halat men talaq day tu, Talaq sahi nahi hogi.
(Ref : Ayat_Ullah Seestani(d.b), Tauzee hul masail, 31st edition, maslah # 2462 to 2472) (Khuda aap ki tawfiqaat mein izafa farmaye).
|