Answer |
Ye talaq sahi nahi hai q k talaq ki chand shartain hain jin ki pabandi nah ki jaay tu talaq nahi hoti. 1.talaq k waqt aurat haiz or nifas say pak ho or is paki k doran merd nay jima(intercourse) nah kia ho. 2.talaq zabani di jay. yani likh ker talaq dayna batil hay or talaq nahi kehlay gi. 3. Talaq ka seegha sahi arabi main lafz e “طالق” k sath perha jaay. 4.talaq do adil(jo zahiran gunahgar nah hon, or wajib kamo per amal kertay hon or haram kamo say bachtay hon) gawahoo ki maujoodgi main di jaay. 5.zarori hay k merd talaq apne ikhteyar se day or agar osay apni biwi ko talaq daine par majoboor kia jay tu talaq batil hay. 6.Merd talaq k waqt talaq ki niyat rakhta ho, layhaza agar wo maslan mazaq ya nashay ya ghusay ki halat main talaq day tu, talaq sahi nahi hogi. (Ref : Ayat Ullah Seestani(d.b), Tauzeehul masail, maslah # 2462 to 2472) (Khuda aap ki tawfiqaat mein izafa farmaye). |