|
Answer |
Note : Is website per fiqha e jaffaria k mutabiq jawabaat diay jatay hain.
1)Zauja ko zaujiat sai kharij kr denay ka nam talaq hai. q k talaq aik bara sakth moamla hai lehaza nehayat achi terah aur thanday dimag sai soch kar talaq ka iqdam kia jae. Pak daman aurat ki talaq par arsh e ilahi kanp uthta hai aur khuda k nazdeek halal umoor mai talaq sai ziada na gawar koi cheez nahi hai.
2)Talaq ki chand shrait hain jin ki pabindi krna zaroori hai warna talaq nahi hoti hai 1.talaq k waqt aurat haiz or nifaas say paak ho or is paaki k doran merd nay jima(intercourse) nah kia ho. 2.talaq zabani dijaay.yani likh ker talaq dayna batil hay or talaq nahi kehlaay gi. 3. Talaq ka seegha sahi arabi main lafz e “طالق” k saath perha jaay. 4.talaaq do adil(jo zaahiran gunahgaar nah hoon,or wajib kaamo per amal kertay hon or haram kaamo say bachtay hon) gawahoo ki maujoodgi main di jaay. 5.zarori hay k merd talaq apne ikhteyaar se day or agar osay apni bivi ko talaq daine par majoboor kia jaay tu talaq batil hay. 6.Merd talaaq k waqt talaq ki niyat rakhta ho,layhaaza agar wo maslan mazaaq ya nashay ya ghussay ki halat main talaq day tu,talaaq sahi nahi hogi. (ref:Ayat Ullah Seestani(d.b), Tauzee hul masail, maslah# 2462 to 2464 & pg#460) (Khuda aap ki tawfiqaat mein izafa farmaye)
|