Answer |
Note : Is website mai fiqh e jafaria k mutabiq jawabat diay jatay hain.
1-Agar shohar nay hambistri(intercourse\sex) k baad talaq di ho tu zarori hay k talaq k baad iddat rakhi jaay. Or aisi aurat ki iddat jis k 2 haiz ka dermiyani faasla 3 maah se kam ho, ye hay k jab oska shohar osay oski paaki ki halat main talaq day tu wo itni muddat sabar karay k osay do baar haiz aay or paak ho jaay or jonhi osay teesri dafa haiz aay tu oski iddat khatam ho jaay gi or wo doosra nikah ker sakti hay. (Ref:Ayatullah Sistani(d.b),Tauzeehul masail 31th edition,maslah #2474)
2- Talaq e raje main merd iddat k doran ruju ker sakta hay yani baghair nikah kiay osko wapas apni bivi bana sakta hay or agar iddat k doran ruju nah karay tu iddat k baad nikah k zerye apni bivi bana sakta hay. ( Ref: Ayatullah Sistani(d.b),Tauzeehul masail 31st edition, maslah # 2486,2491). (Khuda aap ki tawfiqaat mein izafa farmaye)
|