Answer |
Hazrat Rasool Allah (s.a.w) se marvi Hadees hai, ke meri ummat 73 firqoo main taqseem ho jaae gi, in 73 firqoo main se 1 ke ilawa tamaam jehannami hain. Or dosri marvi Hadees main hai ke main tuhmaare dermiyaan do giraan qader chezain chore jaraha hon, ager tum in dono se mutamassik raho ge to mere baad gumrah nahi ho ge, (in main se ik) allah ki kitaab or (dosre) meri itrat jo ke mere ehl e bait hai, or ik or jaga Ap(s.a.w) se Hadees marvi hai ke ali haq ke sath or haq ali ke sath hai.(Ref : Ali(a.s) khalifa e Rasool(s.a.w) , fasal # 2 , Topic # Hadees e Haq , pg # 109) , (Ref : Noor e Imaan , Topic # Hadees e Saqlain , Pg # 175) , (Ref : Ahsan ul Aqaid , mutarajjim o musharreh # Allamah Fazil Miqdaad , pg # 10).
Mazkora mrviyaah Ahadees se ye natija nikalta hai ke, Ap ne sahi kaha ke us waqt koi firqa nahi tha to ik musalmaan mard ik musalmaan orat se shadi karta tha, lekin aaj ke door mian firqe hain (jo pehli Hadees ka mafhoom hai) or in main se sirf 1 wohi firqa sahi hai (jesa ke Hadees e Marviyaah ka bayaan hai) jo Us door main Rasool Allah (s.a.w) ke nazdeek maqbool tha, or wo firqa Ali bin Abi-Talib (a.s) ko baad Rasool (s.a.w) Imaam maanne wala hai yani Shia Isna Ashari (ye 2nd o 3rd Hadees se makhooz hai), Pas Ager shia ka geer e Shia se shadi karna Shia ke deen o imaan main tabdeli ka sabab bane to ye shadi karna jaiz nahi hai.(Ref : Mujtahid se pochay gaey sawalaat, part #1 , sawaal # 134 , pg # 70 , Allah Taala hi tofiqaat main izafa farmaane wala hai).
Note: Ilm na hone ki surat men insaan k zehn men is qism k sawalat ubharte hen lehaza is qadar ilm hasil krna insane per wajib hai k wo apne aqaid ko behtar tarike se jaane or apne ki haqeeqi malumat rakhe. |