|
Answer |
Istimna karna (kise tariqe se mani kharij) karna ghuna kabira hai. (Ref:Ayatullah sistani, Minhajus Saliheen,Part#1, Maslah#30,eidition 2009 ).
jo shaks ramzaan ki raat me junub(yani us per ghusal janabat wajib ) ho jaay to us ko waqt namaaz fajar se phele ghusal janabat karlena zarori hai take dosere din ka roza rakha ja sake aur agar junub ( yani wo shaks jis per ghusal janabat waajib ho ) jaan boujh kar ghusal (janabat ) na kare ya jis shaks ka fareeza tayammum ho jaan boujh kar tayammum na kare to zarori hai k is din ka roza pura kare aur phir aik din aur roza rakhe aur chunke ye moiyan nahi hai k ye dosera roza qaza hai ya saza , lehaza ramzaan ka is din ka roza bhi mafizzimma ki niyat se rakhe aur ramzaan k baad bhi jis din roza rakhe aur us me qaza ki niyat na kare.
ramzaan k roze ko jaan bough kar janabat ki halat me baqi rakhne ki waja se qaza k ilawa kaffara k tour per zarori hai k 2 mahene roze rakhe ya har roze k badle 60 faqeero me se har aik faqeer ko 750 gm gandum waghaira diya jaay . (Ref: Ayatullah Sistani(d.b),Tauzeehul masail edition:2015, maslah # 1591,1569,1632,1633), (ref : Mujtahid se pouchey gay sawalat roza, ques # 112,113, pg # 59). Update on dated 19-08-16. (Khuda aap ko Uloom e Aal e Muhammad(s.a.w.w) sekhne ka ajar ata farmaey).
|