|
Answer |
A.Sistani kay nazdeek,Ghusl-e-Janabat wajib namaz parhnay kay liye aur aisi dosri ibadaat kay liye wajib hojata hay,laikin namaz-e-mayyat,sajda-e-sahw,sajda-e-shukr,aur Quran kay wajib sajdoon kay liye ghusl-e-janabat zaroori nahi hay.Ref:Tauzeehul Masail Pg.No.65,Masala No.356...Do(2) cheezoon say insaan mujnib ho jata hay,aik jima aur dosray mani kharij honay say,khwah wo neend ki haalat main niklay ya jaagtay main ,kam ho ya ziada,shehwat kay saath niklay ya baghair shehwat kay,iska nikalna ikhtiyaar main ho ya na ho aur aisi soorat main us par ghusl-e-janabat wajib ho jata hay,sirf paani say us maqam ko dhona kaafi nahi hay.Ref:Tauzeehul Masail Pg.No.62,Masala No.344...Ghusl-e-Irtimasi ya ghul-e-tarteebi main ghusl say pehlay saray jism ka paak hona zaroori nahi hay balkay agar paani main ghouta lagaey ya ghusl kay iraday say paani badan par daalnay say badan paak ho jaey to bhi ghusl sahih ho jaeyga.albatta ye zaroori hay kay jis paani say ghusl kar raha ho wo taharat ki haalat say kharij na hojaey.masalan kur pani say ghusl kar raha ho.Ref:Tauzeehul Masail Pg.No.66,Masala No.371...Jis shakhs nay ghusl-e-janabat kiya ho zaroori hay kay namaz kay liye wuzu na karay.Ref:Tauzeehul Masail Pg.No.68,Masala No.389...Agar kisi shakhs kay badan say koi rutoobat kharij ho aur wo ye na janta ho kay ye mani hay ya peshab ya koi aur cheez,agar wo rutoobat shehwat kay saath aur uchal kar nikli ho aur uskay nikalnay kay baad badan sust ho gaya ho to wo rutoobat mani ka hukum rakhti hay laikin agar ib teen(3) alamaat main say sari ki sari ya kuch maujood na hoon to wo rutoobat mani ka hukum nahi rakhti,laikin agar insaan beemaar ho to phir zaroori nahi kay wo ratoobat uchal kar nikli ho aur us kay nikalnay kay baad badan sust ho jaey balkay agar sirf shehwat kay saath niklay to wo rutoobat mani kay hukum main hogee.Jo rutoobat cher chaar ya shehwat angaez tasawwuraat kay waqt insaan apni sharmgaah main mehsoos karta hay wo paak hay is say ghusl bhi wajib nahi hota aur na hi ye ratoobat wuzu ko baatil karti hay. |