Ask Text Question
Asked Questions: 48080

Question & Answers << Go Back

Note: Google per koi sawal search karne ke liye sawal ke baad qoitrat likhiye taake jawab asaani se mil jae jese ke: "Kia yahoodi se nikah karna jaez he qoitrat "

Close (x)


Topic: Taqleed (10 Questions)


     
  • 1
  •  

Showing 0-10 questions from 10 questions on this page.

Id:
84634
Mujtahid:
Aayat-ul-Allah Seestani

Print

Question: ولایت فقیہہ

Answer: Wilayat e faqee bhi aik fiqhi masla hai aur is me bhi muqalid apne mujtahid ki janib he ruju karay ga. Ayatullah Syed Ali Sistani d.b. k nazdeed aik jamia sharait mujtahid in tamaam umoor me wilayat rakhta hai jin per insaano ka ijtemaaye nizaam qaim hai. (Ref : Mujthid se poushey gye sawalat part # 2, ques # 7 pg # 22) . Update on dated 24-10-17. (Khuda aap ko Uloom e Aal e Muhammad(s.a.w.w) sekhne ka ajar ata farmaey).

Id:
81291
Mujtahid:
Aayat-ul-Allah Seestani

Print

Question: Mujtahideen ki taqleed kis tarha ki jati or kis mujtahid ki taqleed krni chaiye? kia taqleed farz hai momin pr?

Answer: 1-Mujtahid ki taqleed os k fatway per amal kerne se ki jaati hay, yani mujtahid k jis fatwe per amal kia jaey tu kaha jaey ga keh aap ne os k os fatwe main oski taqleed ki. 2-Taqleed aisay mujtahid ki, ki jaey jo mard, baligh, aqil, 12 imami shia, halaal zadah, adil or zinda ho. Or agar maloom ho k paish anay walay masael main mujtahidden main ikhtelaaf hay tu phir aalam mujtahid ki taqleed ki jaey, yani os ka ilm digar mujtahideen se ziyada ho. Aaj k zamanay main Ayatullah sistani aik aalam mujtahid hain, aap on ki taqleed k mutabiq apnay amaal baja laa sakti hain. 3-Monin per farz hay k wo hokum e khuda k mutabiq apni zindagi k tamaam umoor ko baja laey or ibdaat o maamlaat main khuda k hokum per amal karay, or is k laiy ya tu khud mujtahid banaiy yani itna ilm hasil karay k khud Quran o tamaam ahadees ko perhay or samjahy or phir os se hukum e khuda ko hasil karay, ya phir apni ehtiyaat per amal kare yani apni ibadaat ko is terah baja laey k kisi mujtahid k fatwe k khilaaf nah ho, or ijtehaad o ehtiyaat k liay bohot ziyada ilm ki zarorat hoti hay jo k awaam k bas ki baat nahi. Layhaza jo shaks in dono kaamo se ajiz ho os per wajib hay k taqleed kare or mujtahid ki tehqeeq per amal kare. (Ref:Ayat Ullah Seestani(d.b), Tauzee hul masael jaame, Mafhoom e Maslah #3). Update on dated 18-06-17. (Khuda aap ko Uloom e Aal e Muhammad(s.a.w.w) sekhne ka ajar ata farmaey).

Id:
77256
Mujtahid:

Print

Question: Assalam o Alaikum! Mujy aap sy yeh pochna hy keh M.Hussain Najfi (Dhako) ki Taqleed ki ja sakti hy.Aur kiya woh Wahabi agent hy jo Shia mazhab ko barbad kr raha hy?

Answer: Wa Alaikum Salam. Muhammad Hussain Najfi (Dhako shahab) aik mujtahid hain. In ko 13 mujtahideen ne ijtehaad ka ijaza dia hay, In k mujtahid hone main koe shak nahi albatta taqleed aalam mujtahid ki, ki jaati hay layhaza is ka khayaal rakha jaey or ye shia mazhab k aik azeem muhafiz or mujahid hain, jo shia mazhab ki janib se ghaalio or naasbiyo se muqaabla ker rahay hain. In per ye bohtaan lagana k ye wahabi hain intehaae himaqat hay, in ki tamaam kitabain in k shia mazhab ki janib se ghaliyo or muqassireen k khilaf likhi gae hain. In ki chand kitbo k naam ye hain. “Isbat ul-Imamat”, “Tahqeeqat ul-Fariqain fi Hadis as-Saqlain”, “ Faiz ur-Rehman (Lu'lu wal Marjan ka terjuma)”, “Faizan ur-Rahman fi Tafsir ul-Quran 10 jild”, “Masail ush-Sharia (Wasael ush-Shia ka terjuma) 20 jild”, “Ahsan ul-Fawaid fi Sharh al-Aqaid” , “Usool ush-Sharia fi Aqaid ush-Shia”, “Aitaqadat-e-Imamia”, “Qawaneen ush-Sharia fi Fiqh-e-Jafariya (Tawzih ul-Masail 2 jild)”, “Tajalliyaat e sadaqat ba jawab e aftaab e hidayat”,waghaira wahaira. Ab zaahir si baat hay k jab koe bhi shia aalim ghaliyo or muqassireen k khilaf likhay ya bolay ga tu onki janib se bhi hamla tu hoga or in ghaaliyo ne yehi mash,hoor ker diay k ye shia hi nahi hain balkeh wahabi hain. Kia koe wahabhi abu bakr, umar or usman ko bura keh sakta hay or shia ahadees ki 20 jildi kitab wasaelush shia ka terjuma ker sakta hay? or terjumay k sath sath agar is main maujood kisi hadees per ahl e suunat ki janib se koe ayteraaz kia jaa sakta ho tu os ayteraaz ko door bhi ker sakta hay? Aap khud wasaelush shia ka terjuma daikh lain, kis terah ahadees e ehl e bait a.s se ayteraaz ko paak saaf kia hay or tajalliyaat e sadaqat main kis terah ehl e sunnat ki kitab k jawab main zaberdast kitab likhi hay or is main os kitab ka monh toorh jawabaat diay hain. Khuda Ayatullah Muhammad Hussain Najafi (dhakko sahib) ko ghaliyo or muqassireen se jihad main kamiyaabi naseeb fermaey. Ilaahi Amen.( https://en.wikipedia.org/wiki/Muhammad_Hussain_Najafi ) Update on dated 18-03-2017. (Khuda aap ko Uloom e Aal e Muhammad(s.a.w.w) sekhne ka ajar ata farmaey).

Id:
76542
Mujtahid:

Print

Question: Salam Sir abhi jo mujthedeen hayat hain unky names mil skty hain,

Answer: Khuch Zindah mujtahideen k naam: Ayatullah sistani, ayatullah Vahid Khorasani, ayatullah Ishaq fayyaz, Ayatullah Mousa Shubairi Zanjani, ayatullah Basheer Hussain Najafi, ayatullah Muhammad Sa'id al-Tabataba'i al-Hakim,ayatullah Naser Makarem Shirazi waghaira. Update on dated 13-02-17. (Khuda aap ko Uloom e Aal e Muhammad(s.a.w.w) sekhne ka ajar ata farmaey).

Id:
73049
Mujtahid:
Aayat-ul-Allah Seestani

Print

Question: Salam ager banda ijtehad k rutbe per faiz ho tu kia us per taqleed karna wajib hai kia wo kisi ki taqleed kar sakta hai????

Answer: Jo shaks mujtahid nah ho os k liay zarori hay k wo ehtiyaat per amal kare ya ijtehaad kare, or jo shaks mujtahid ho wo ehtiyaat ya apne ijtehaad per amal ker sakta hay. (Ref : Ayat Ullah Seestani(d.b), Urwatul wusqa Part # 1 , Maslah #2). Update on dated 25-08-16 . (Khuda aap ko Uloom e Aal e Muhammad(s.a.w.w) sekhne ka ajar ata farmaey).

Id:
72335
Mujtahid:

Print

Question: i dont know d meaning of Mujtahid-e-taqleed

Answer: Mujtahid yani wo shaks jo (sharhe ) ahkaam ko daleel k zarie hasil kare aura am louq us k batae hoe fatwe per amal kare. (Ref: Ayatullah Sistani(d.b),Tauzeehul masail 31st edition, maslah #1 ) Update on dated 23-08-16. (Khuda aap ko Uloom e Aal e Muhammad(s.a.w.w) sekhne ka ajar ata farmaey).

Id:
72347
Mujtahid:
Aayat-ul-Allah Seestani

Print

Question: Haram or makro may kaya farq ha

Answer: Haraam yani: har wo kaam jis ka tark karna shariat ki nigha me zarori ho.aur makroh yani napasandeda – wo kaam jis ka anzaam dena haraam na ho laikin anzaam na dena behter ho.(Ref: Ayatullah Sistani(d.b),Tauzeehul masail 31st edition, pg # 488,493) . Update on dated 23-08-16. (Khuda aap ko Uloom e Aal e Muhammad(s.a.w.w) sekhne ka ajar ata farmaey).

Id:
72264
Mujtahid:
Aayat-ul-Allah Seestani

Print

Question: Salam Ayatullah Sistani ki nazar mai waliye faqeeh kon hai.

Answer: Wilayat e faqee bhi aik fiqhi maslah hai aur is me bhi muqalid apne mujtahid ki janib he ruju karay ga. Ayatullah Syed Ali Sistani d.b k nazdeeq aik jamay sharaet mujtahid in tamaam umoor me wilayat rakhta hai jin per insaano ka ijtemaey nizaam qaim hai. (Ref : Mujthid se poushey gye sawalat part # 2, ques # 7 pg # 22). Update on dated 16-07-16. (Khuda aap ko Uloom e Aal e Muhammad(s.a.w.w) sekhne ka ajar ata farmaey).

Id:
71021
Mujtahid:
Aayat-ul-Allah Seestani

Print

Question: There is a book written by, Aayat-ul-Allah Seestani with the titlle of A CODE OF PRACTICE FOR MUSLIMS LIVING IN THE WEST, my question is that the fatwas in this book are those specifically for Muslims living in Non-Muslim Country's? Can I use this book and the information in it as a guidance from my Mujtahid for my life here in Thailand? Please advise.

Answer: Yes, all follower of him can use it and follow this book. This is not only for Non Muslim countries. This book is useful for all over the world. Update on dated 28-04-16. (Khuda aap ko Uloom e Aal e Muhammad(s.a.w.w) sekhne ka ajar ata farmaey).

Id:
65619
Mujtahid:
Aayat-ul-Allah Seestani

Print

Question: taqlid kis tara karty han?

Answer: Taqleed mujtahid k fatwe k mutabiq amal karney ka naam he is tarah mujtahid ki raey k mutabiq jis kaam ko anjam dena jaiz ho os ko anjam dain aur jis ko tark kerna chahiay usay tark karain baghair is k keh is maslay me mazeed koe justuju aur tehqeeq karain. Goya aap ne apne amal ko haar ki tarah mujtahid ki garden me daal dia he aur khuda k nazdeek is mujtahid ko apne naama e amaal ka zimedaar thehraya hay. (Ref : Ayatullah Sistani, Jadeed faqhi masael , Mafhoom e maslah #22 se pehle , Pg #49 , Eidition# 5). Update on dated 18-06-2015. (Khuda aap ko Uloom e Aal e Muhammad(s.a.w.w) sekhne ka ajar ata farmaey).