QURAN-O-ITRAT ACADEMY

Question: Can husband give fidya of his wife or wife herself pay fidya for herself?

Answer: Fidya kisi aisay shakhs ko nahin diya jaa sakta jis ka nafaqa khud Fidya dainay walay par wajib ho (maslan walidain, aulaad and wife), lekin dosray mustahiq rishta daaron ko dena jaaiz hai, balkay afzal hai.
Fidya khud apne ap ko bhi nhi dia jaskta
(Ref: Tauzeeh ul masail jaame(farsi), Ayatullah Sistani(d.b), part #2, maslah #807,1147,1148,1150,1151. + Tauzeeh ul masail, edition #42, maslah #1700).
[Updated on 09-Mar-2024:: Khuda aap ko Uloom e Aal e Muhammad(s.a.w.w) sekhne ka ajar ata farmaey]

Print

Question: Hi, what is kaffara for roza in cash as I live in Germany

Answer: Rozay ke kaffare me qeemat ada karna kaafi nahin hai balke zaroori hai ke 60 sharaei faqeeron ko pet bhar ka khana khilayen, ya har faqeer ko 750 giram gandum, ata, roti, khajoor ya is jesi ghiza dain.
Note .hah ye hosakta hai ke jis per aap ko yaqeen ho ke wo aap ki traf se mustahiqqeen tak sahe tarah se kaffara poucha de tu us ko rakam de ke taake wo ya aata khareed per mustahiqqeen tak poucha de .is bhe aata or is jise cheez he pouchana zarori hay warna zimmedari ada nahe hoghe .
(Ref: Mujtahid se pooche gaye sawalat part #roza, sawal #110. + Tauzeeh ul masail, Ayatullah Sistani(d.b), edition #42, maslah #1632).
[Updated on 14-Oct-2023:: Khuda aap ko Uloom e Aal e Muhammad(s.a.w.w) sekhne ka ajar ata farmaey]

Print

Question: Assalam o Alaikum. mujhe ye maloom karna hai k kuch sal tak rozy ka "Mud" cash ki sorat me b diye ja sakty thay. kia ab bhi cash ki soorat me de sakty hain? ya jins ki surat me hee dena hai? Taqleed Agha Sistani

Answer: Kaffare aur fidiye me qeemat ada karna kaafi nahin hai balke khana dena zaroori hai.
Note: Han! ye ho sakta hai ke jis par aap ko yaqeen ho ke wo aap ki taraf se mustahiqeen tak sahi tarah se kaffara puhncha day ga to us ko raqam day sakte hain taake wo ya aata khareed par mustahiqeen tak puhncha day. Is me bhi aata or is jesi cheez hi puhnchana zaroori hai warna zimmedari ada nahin hogi.

(Ref: Mujtahid se pooche gaye sawalat part #roza, sawal #104,110,111,112,113).
[Updated on 17-Oct-2023:: Khuda aap ko Uloom e Aal e Muhammad(s.a.w.w) sekhne ka ajar ata farmaey]

Print

Question: Kya fitrana rozo ka kaffara hota h? Mere teacher ne kaha tha ke fitrana rozy ka kaffara hota h jo hum se galitiya hui hn ramadan me.

Answer: 1: Aisa nahin hai, balke fitra (fitraana) maali wajibaat mein se aik hai jisay eid-ul-fittar ke din ada kiya jata hai. fitra ki miqdaar har shakhs ke liye teen kilo hai jisay gandum, jao, khurma, chawal aur kishmish jaisay roz marra ghiza se nikala jata hai. jabkay kaffara shariat ki roo se aik qisam ki saza hai jo baaz haraam kamon ke irtikaab ya wajibaat ke tark karne par us shakhs par laago hota hai. maslan kisi ghulam ko azad karna, ya 60 faqeeron ko khana khilana ya unhen libaas pehnana, ya 60 din roza rakhna (jis ke 31 rozon ko baghair kisi faaslay ke rakhna wajib hai). baaz woh umoor jin ki anjaam dahi kaffara ka moojib bantaa hai woh yeh hain: maslan Maah e Ramazaan ke rozon ko jaan boojh kar baatil karna, ahad, nazar aur qasam ki mukhalfat karna aur ehraam ke baaz muharmat.
2: Zakat e fitra ki adaaigi Maah e Mubarak e Ramazaan ke rozon ki qubooliyat baais banti hai (na ke us ka kaffara hai). aur hadees me naqal hua hai ke "Zakat e fitra, rozay ko kaamil karta hai, jis tarah Paighambar(s.a.w.w) par durood, namaz ko kaamil karta hai".

(Ref: Link, https://ur.wikishia.net/view/%D9%81%D8%B7%D8%B1%DB%81 + Link, https://ur.wikishia.net/view/%DA%A9%D9%81%D8%A7%D8%B1%DB%81 + Ahkaam e Khums o Fitra, pg #161).
[Updated on 02-Nov-2023:: Khuda aap ko Uloom e Aal e Muhammad(s.a.w.w) sekhne ka ajar ata farmaey]

Print

Question: Kia kafara ksi imam bargah mein as a iftari diya ja sakta hai ?

Answer: Kaffara, fuqra o misakeen (yani wo afraad jo shrhan gareeb hain ) ko dena hota hai wo bhi sharait ke sath, lekin iftaari ke taur par imam barghah main har (Ameer, ghareeb, sharait hon ya na hon) ko khana khilne se kaffara ada nahin hoga.
(Ref: Tauzeeh ul masail, Ayatullah Sistani(d.b), edition #42, maslah #1632,1657).
[Updated on 02-Nov-2023:: Khuda aap ko Uloom e Aal e Muhammad(s.a.w.w) sekhne ka ajar ata farmaey]

Print

Question: رمضان میں مجبوری میں کسی کو منی دینا جائز ھے کے نہی Reply

Answer: Agar mani dene se muraad ye hai ke Istimna (mani nikalna / masturbation) kar ke kisi ko mani dena hai to ye Haram or Gunahaan e kabeera me se hai aur Istimna karne se roza bhi baatil ho jaye ga, aur ramzan ke baad is ki qaza karna zaroori hogi aur is ke sath sath kaffara bhi wajib hoga.

(Ref: Tauzeeh ul masail Jaame[farsi], Ayatullah Sistani(d.b), part #2, edition #1443, maslah #544. + Tauzeeh ul masail, edition #42, maslah #1569,1625,1630).
[Updated on 14-Nov-2023:: Khuda aap ko Uloom e Aal e Muhammad(s.a.w.w) sekhne ka ajar ata farmaey]

Print

Question: Raat ko hand practice karo or suba roza rak lo baghair kusal Kay tu ya sahi hai

Answer: 1: Istimna (mani nikalna) or khud lazzati (hand practice/masturbation) karna ye Haram or Ghunahaan e kabeera me se hai chahe hath ke zariye ho ya film or tasweer par nigah daalne se ho ya khayalaat or is ki maanid se ho. aur baaz riwayaat me ise zina se bhi barah ghunah shumaar kiya gaya hai Q ke ye fitri amal nahin hai.
2: Maah e ramazan main azaan subah se pehle ghusl e janabat karna laazmi or zaroori hai Q ke maah e ramazan ya main azaan subah tak janabat ki halat main raha jaye aur ghusl nah kiya jaye to ye roze ko baatil kar deta hai, lihaza zaroori hai ke azan subah se pehlay ghusl kiya jaye. Lekin agar jaan bojh kar azan subh tak ghusl nah kiya jaye to zaroori hai ke us din ka roza poora kiya jaye aur phir ramzan ke baad aik din aur roza rakha jaye aur pehla roza maa-fiz-zimma ki niyat se rakhna hai aur ramzan ke baad bhi jis din roza rakha jaye aur us main qaza ki niyat nah ki jaye. Is ke alawa kaffara bhi wajib hoga.

(Ref: Tauzeeh ul masail Jaame, Ayatullah Sistani(d.b), part #2, edition #1443, maslah #544. + Tauzeeh ul masail, edition #42, maslah #1591,1625,1630).
[Updated on 17-Nov-2023:: Khuda aap ko Uloom e Aal e Muhammad(s.a.w.w) sekhne ka ajar ata farmaey]

Print

Question: Agar Rozay ki halat mein biwi k sath romance karen or khadsha hojaye mani khaarij honey ka, tou iska kaffara kia hai? agr 60 miskeenon ko khaana khilaane ki iste'taat na ho tou fidya dey sakty hain?

Answer: 1: Rozay ki halat main makhrooh(acha nahe ) hai ke insaan mani nikaalne ke iraade ke baghair insaan apni biwi ka bosa le ya koi shehwat angaiz karam kare.
2: Jo shakhs mani nikaalne ke iraade se cherh chaarh aur dil lagi kare lekin uski mani na nikle to agar dobara roze ki niyyat na kare to us ka roza baatil hai aur agar dobara roze ki niyyat kar lat to ehteyaat-e-laazim ki bina par zaroori hai ke roze ko tamaam kare aur ramzan ke baad is ki qaza bhi baja laaye.
3: Agar rozedaar mani nikaalne ke iraade ke baghair misaal ke taur par apni biwi se cherh chaarh kare aur hasi mazaak kare aur use itmenaan ho ke mani khaarij nahin hogi to agarche ittefaqan mani khaarij ho jaaye, to us ka roza sahi hai. Albatta agar use itmenaan na ho to is soorat mein jab mani khaarij hogi to us ka roza baatil ho jaaye ga.
4: Agar koi shakhs Ramazan ke roze ko khaane, peene, Jimaa, istimna ya janabat pe baaqi rehne ki wajah se baatil kare jabke jabr aur nachaari ki bina par nahin balke jaan bhooj kar aur ikhtiyaar se aisa kiya ho to us par qaza ke alawa kaffara bhi wajib hoga.
5: Ramazan ka roza torne ke kaffare ke taur par do mahine musalsal rozay rakhne hote hain ya 60 faqeeron ko pait bhar ke khaana khilaana hota ya phor har faqeer ko aik mud yani 3/4 kilo taaam yani gandum ya jao ya roti waghaira dena hota or agar ye afaal anjaam dena is ke lie mumkin na ho tu baqadre imkaan sadaqa dena zarori hay or agar ye mumkin na ho tu tuba o istegfaar kare or ehteyaat wajib ye hay ke jis waqt kaffara dene ke qabil hojaae kaffara de.

Note: Agar 60 faqeeron ko khaana khilaane ya har aik faqeer aik mud yani 4/3 kilo taaam dene ki istetaat na ho to is soorat ne 2 mahine musalsal rozay rakhne hon gay lekin fidya nahin day sakte. Aur 2 mahine rozay musalsal is tarah rakhne hain ke zaroori hai ke aik poora mahina aur us se agle mahina ke aik din tak musalsal roze rakhne hai aur agar baaqi bache hue rozay musalsal na bhi rakhe jayen to koi haraj nahin hai.

(Ref: Tauzeeh ul masail, Ayatullah Sistani(d.b), edition #47, maslah #1628,1574,1575,1631,1632,).
[Updated on 10-Nov-2023:: Khuda aap ko Uloom e Aal e Muhammad(s.a.w.w) sekhne ka ajar ata farmaey]

Print

Question: 2017 ky Rozy kakaffara 2023 ky rate ky hisab sy dengy ya phir 2017 ky?

Answer: Rozay ke kaffare aur fidiye me qeemat ada karna kaafi nahin hai balke har faqeer ko 750 giram khana dena zaroori hai aur ye khana aata, ghehon, kishmish, roti ya in jesi ghizoon ki soorat ma ho.

Note: Jab har faqeer ko khana den gay to zaaher si baat hai ke dukandaar aap ko maujooda qeemat ke hissab se wo cheez dega na ke 2017 ke hisaab se.

(Ref: Mujtahid se pooche gaye sawalat part #roza, sawal #104,110,111,112).
[Updated on 14-Nov-2023:: Khuda aap ko Uloom e Aal e Muhammad(s.a.w.w) sekhne ka ajar ata farmaey]

Print

Question: Kia kisi trust(60 miskenoo ko khana) ky through roza ka kafara da sakhta hai

Answer: Note : jis idare ya trust per aap ko yaqeen hay ke wo aap ka fidiya ya kaffara sharhe faqeer tak poucha de ga us ke zarie se ye kaam karwaya jasakta hay or hamaray idare quran o itrat me ye intezaam moujood hay . is number per rabta karan 021-32226948 or 021-32237207
[Updated on 16-Mar-2024:: Khuda aap ko Uloom e Aal e Muhammad(s.a.w.w) sekhne ka ajar ata farmaey]

Print

Question: Agr ghusal e haiz din mn 10 bje kia jaye to roza rkh skte hain ya nhi?

Answer: Agar yaqeen ho jaye ke Azaan e subh pehlay haiz se paak ho gayei thein to Roza rakhne ke hawale se sharaei maslah ye hai Azaan e subh se pehle ghusl karna zaroori hai lehaza ghusl kiye bager Roza nahin rakh saktein. Balke Ramazan ke rozon mein Aurat agar subh ki azaan se pehle Haiz ya Nifaas se paak ho jaaye roza rakhne ke liye Azaan e subh se pehle ghusl karna zaroori hai Aur agar jaan bhooj kar ghusl na kare ya us ka fareeza tayyamum karna ho aur wo tayyamum bhi na kare to zaroori hai ke us din ke roze ko poora kare aur uski qaza bhi kare.
Lekin agar Azaan e subh ke baad haiz se paak huei thein to roza nahin rakh saktein aur Ramazan ke baad is ki qaza karna zaroori hai.
Agar koi aurat jaan bouge waqt namaz fajar tak gusal haiz na kare tu is per ehtiyat wajib ki qaza bhe hay or kaffara bhe hay .

(Ref: Tauzeeh ul masail, Ayatullah Sistani(d.b), edition #42, maslah #1608,1612, tauzihul masail jame jild no :2, masla 156).
[Updated on 27-Mar-2024:: Khuda aap ko Uloom e Aal e Muhammad(s.a.w.w) sekhne ka ajar ata farmaey]

Print