Ask Text Question
Asked Questions: 48950

Question & Answers << Go Back

Note: Google per koi sawal search karne ke liye sawal ke baad qoitrat likhiye taake jawab asaani se mil jae jese ke: "Kia yahoodi se nikah karna jaez he qoitrat "

Close (x)


Topic: General (409 Questions)


Showing 0-50 questions from 409 questions on this page.

Id:
70323
Mujtahid:

Print

Question: woak kaya ha jis ka dosra nhi wo do kaya ha jis ka tisra nhi wo teen kaya ha is ka chotha nhi wo char kaya ha jis ka panchwa nhi

Answer: Allah aik hai us ka dosera koi nahe hai,din aur raat do hain un ka thesera koi nahe hai, loh,qalam ,kursi theen hai un ka chota koi nahe hai,turait,zaboor, injeel,quraan chaar hain un ka panchwa nahe hain,5 namaaze hain un ki chethe koi nahe . (ref:KotNajiBullaH - یہودیوں کا ایک بڑا مجمع اور ان میں یہودیوں... | ...https://www.facebook.com/permalink.php?id=362252290491378...) . Update on dated 23-08-16. (Khuda aap ko Uloom e Aal e Muhammad(s.a.w.w) sekhne ka ajar ata farmaey).

Id:
66321
Mujtahid:

Print

Question: Asalamualaikum hazrat edrees AS ki kis umar me wafaat hui?plz reply

Answer: Hazrat Idress a.s hayaat hain. (Ref: Mafhoom e http://tahaffuz.com/2460/#.VZ2EQl-qpHw ). Update on dated 12-07-2015. (Khuda aap ko Uloom e Aal e Muhammad(s.a.w.w) sekhne ka ajar ata farmaey).

Id:
66234
Mujtahid:

Print

Question: Assalam-o-Alikum kya camera sa pictures bnana jaiz ha...answer plz

Answer: Jaiz hay. (Ref : Ayat Ullah Seestani(d.b), Minhaajus Saliheen Part # 2, Mafhoom e Maslah #18 , Eidition 1427 hij). Update on dated 05-07-2015. (Khuda aap ko Uloom e Aal e Muhammad(s.a.w.w) sekhne ka ajar ata farmaey).

Id:
65840
Mujtahid:
Aayat-ul-Allah Khumeni

Print

Question: Mera sawaal ya hai ki agar koi insaan jamaat-e-namaaz ki toheen karta hai to us insaan ko kese samjhaya jaye ki wo galat kar raha hai..agar jamaat se mutaaliq imamo ka yaa rasool (s.a.w.w) kea koi bhi qaul hai ya hadees hai to please bata dijiye?

Answer: Imam zainul abideen ne paish imam k jo huqooq bayaan kiay hain on ka khulasa ye hay k paish imam k bare main jaan lain k wo aap or Allah k dermiyaan safeer hay, wo aap ki janib se (namaz main) Allah se baat kerta hay jab k aap oski janib se kalaam nahi kerte, wo aap k liay(namaz main) dua kerta hay jab k aap os k liay dua nahi kerte, wo aap k liay dua maangta hay jab k aap os k liay dua nahi maangte . Lehaza jo khidmat os ne aap k liay anjam di os k liay aap os k shukar guzaar reho.(Ref: Risala e huqooq hazrat imam e sajjad, Mafhoom e huqooq#29). Update on dated 25-06-2015. (Khuda aap ko Uloom e Aal e Muhammad(s.a.w.w) sekhne ka ajar ata farmaey).

Id:
65775
Mujtahid:
Aayat-ul-Allah Seestani

Print

Question: kia qalmay me aliyanwaliullah parrhna lazmi hai ya la illaha illallaho muhammadurosoolallah kehna bhi thik hai??

Answer: Imam jaffer sadiq a.s se riwayat hay k “ jab tum main se koe laa ilaaha illal laah, muhammadur rasoolul laah, tu os chaiay fauran k kahay: aliyun ameerul momineen. (Ref: http://www.aqaed.com/faq/614/ ).

Id:
65683
Mujtahid:
Aayat-ul-Allah Seestani

Print

Question: Imame zamana kay 4 naibun kay naam

Answer: Imam e zamana k 4 naebeen k naam: 1-Usman bin saeed amri, 2-Muhammad bin usman bin saeed,3- Husain bin rauh,4- Ali bin Muhammad bin sumari. (Ref:Mafhoom e http://porseman.org/q/show.aspx?id=95395 ). Update on dated 20-06-2015. (Khuda aap ko Uloom e Aal e Muhammad(s.a.w.w) sekhne ka ajar ata farmaey).

Id:
63272
Mujtahid:

Print

Question: Assalam u alaikum. Mera sawal ye hai k kya periods ki halat mein aurat Allah k naam ka locket pahen sakti hai? . Agar pehle se pehna ho aur gold ka ho to kya bathroom jate hue ya periods me utaar dena chahie ya pahen sakte hain

Answer: Agar Allah k naam k locket ki likhae(writting)aurat k badan k kisi hisse se diret mass (touch ) nah ho rahi ho to wo pahen sakti hai . (Ref:Ayat Ullah Seestani(d.b), Tauzee hul masael,Edition# 35,Mafhoom e Maslah #448,354 ,131). Update on dated 30-04-2015. (Khuda aap ko Uloom e Aal e Muhammad(s.a.w.w) sekhne ka ajar ata farmaey).

Id:
63282
Mujtahid:
Aayat-ul-Allah Seestani

Print

Question: wali yani kia hai me ne ye sawal bht dhoonda pr nai mila

Answer: Wali yani sarparast maslan (1)baap , (2)dada, (3)shohar, ya (4)Hakim e shara(mujtahid). Kanwari lerki, nabaligh lerkay or pagal k wali on k baap ya dada hote hain, bivi ka wali os ka shohar hota hay or jis pagal or nabaligh bache ka k baap or dada nah hoon tu os ka wali Hakim e shara(mujtahid) hota hay. (Ref : Ayat Ullah Seestani(d.b), Minhaajus Saliheen Part # 3, Mafhoom e Maslah #57,67 , Eidition 1427 hij). Update on dated. (Khuda aap ko Uloom e Aal e Muhammad(s.a.w.w) sekhne ka ajar ata farmaey).

Id:
63206
Mujtahid:

Print

Question: salam walekum mai ye janana chate hu ki agar mere pass do ring hai ek yakoot aur ek aqeeq ki par mai koi ek ring pahne chate hu toe kuan si ring jyada behter hai.

Answer: Mujtihideen ne namaz perhne wale k lie aqeeq ki anghuthi (ring) perhne ko mustahab qaraar dia hay. (Ref:Ayat Ullah Seestani(d.b), Tauzee hul masael,Edition# 35,Mafhoom e Maslah #852). Update on dated 21-04-2015. (Khuda aap ko Uloom e Aal e Muhammad(s.a.w.w) sekhne ka ajar ata farmaey). Rasool allah(saww) ne Hazrat Ali(a.s) se farmaaya :Red aqeeq ki anghuthi( ring) pheno Q k is ne khuda ki wahdaaniyat(unity) aur meri nabuwat aur Hazrat Ali(a.s) aur un k aulaad ki imamat ka iqraar kiya. Allah ne farmaya jis haath me aqeeq ki anguthi (ring) hogi me aatish e jahanum me us haath ko azaab nah karo ga . Imam Ali Raza ( a.s) ne farmaya yaqoot ki anghuthi( ring) phenne se pareshani zael hoti hay. (Ref: Tehzeebul Islam, Allama baaqir majlisi, pg#32,36,38,39). Update on dated 21-04-2015. (Khuda aap ko Uloom e Aal e Muhammad(s.a.w.w) sekhne ka ajar ata farmaey).

Id:
44074
Mujtahid:
abu hanifa

Print

Question: turat k lafzi mani kia han

Answer: Turaat ka matlab hay taleem o terbiyat ya irshad o hidayat.(Ref : http://tahoor.com/fa/Article/View/24745 ). Update on dated 18-04-2015. (Khuda aap ko Uloom e Aal e Muhammad(s.a.w.w) sekhne ka ajar ata farmaey).

Id:
61700
Mujtahid:

Print

Question: salam maira sawal hai k bacho ki birthday manani chahiye ya nahi ? agar ham dua parh kar shuro kar k birthday manay is ka kia hokom hai?

Answer: Wssalam o alykum, Ager ortain Shari parde ke sath hon, or mard haraam nazro se pharaiz karain or dosre haraam kaam bhi na ho jese gana bajana wagera ( khulastan k is taqreeb men agr koi haram kaam na ho to) jaiz hai.(Ref : nigaah o lebaas , baab # 4 , sawaal no # 93 , pg # 64 , Allah Taala hi tofiqaat main izafa farmaane wala hai).

Id:
62415
Mujtahid:
Aayat-ul-Allah Seestani

Print

Question: aoa mera ya sawal hai ky koi shaks jo syed ho aur uske pas uska shajra na ho tu is ka kia hall hai ?????matlab wo kisi ko kaise yakein delae ky wo syed hai ?????islam ke roshani main jawab dy

Answer: kise ka syed hona sabit hota hai 2 aadil ghawaah us k syed hone ki tasdeeq karainne , ya us k apne sheher me us k syed hone ki mashoriyat ho aur insaan ko us k khilaaf baat ka yaqeen ya itmenaan na ho ya insaan ko kise bhi tareqe se yaqeen ya itmenaan ho jaay k wo syeed hai. . (Ref : Minhaj us salaheen Ayat ullah sistani d.b. part # 1 masla # 1262).(Ref: Ayatullah Sistani(d.b),Tauzeehul masail 31st edition, maslah # 1810). (Khuda aap ki tawfiqaat mein izafa farmaye)

Id:
59583
Mujtahid:
Aayat-ul-Allah Seestani

Print

Question: salam, mera sawal ye hai k shareek e hayat k intikhab mai sab se ziada kis bat ka khayal rakha jaye .

Answer: Rasool allah ka irshaad hai : Ek musalmaan k liye islaam k baad aysi musalmaan biwi se afzal aur kohe cheese nahe jis ki taraf dakhe to is ka dil khush ho jaay shaor hokum kare to wo is ki itaat kare ,shoar ki ghair moujoodghe me is ka tahafuz kare Mard jis khatoon se shadi karna chata hai us me in sifaat o khososiyat ko paishe nazar rakhe jo aik misali khatoon me hona chaiay jo pak daaman ho ,shareef ul asal ho , naik ho aur dunyawi aur aakherati muaamlaat me shoar ki madadghaar saabit ho mard k lie ye munaasib nahe hai k biwi k intekhaab k lie us ki nazar srif zahere husun o jamal aur maalo doulat ho. (Ref : aqa sistani,Jadeed faqhi masail , masla # 386 , pg # 231,232, eidition 5) (Khuda aap ki tawfiqaat mein izafa farmaye).

Id:
59597
Mujtahid:

Print

Question: aoa mera sawal hai me jab se paida hui hon mene koi khushi nai deikhi maa b fot ho gai koi kam start karti hon nai hota koi dua mangti hon nai hoti kabol dil me niyat bohat achi hain magar zilat bhari zindagi se bohat tang aa agai hon har pal jaisy mot lagta hai duaon se na umeedi si hogai hai sab samjaty hain me manhos hon kuch kety hain nam bhari hai kuch kehty hain jadoo hai 26 sal ki umer hogai hai magar bohat kismati dekh li hai mujy lagta hai mujy mar jna chaiye me Allah ki di hui zindagi se khush nahi hon syedzadi hote hue job kar kar wahabi sunion se imdad leni parhi itni duaen karti hon mujyMola as apne siwa muhtaj mat karna magar halat bohat zilat bharey jatay hain. mera name b bohat bhari hai.meri duaen pori q nai hoti hain or agar na hon to khud kushi wajib hai ya nai?please batayen.

Answer: Halat or zindagi chahe kis qadar hi mushkilata ka shikar hojaye lekin khud-kushi kisi bhi surat men jaiz nahi hai balke haram or gunah e kabeera hai(Ref:Ayat-ul-Allah Sistani (db) http://www.sistani.org/urdu/qa/01796/) Or isi Quraan ki roshni men Khuda ki rehmat se mayoos hona Kufr hai lehaza kese bhi halat ajaen har wqt Allah se umeed honi chaiye or mayoos nahi hona chahiye.(Suraah Yousuf , Ayat#87)

Id:
62470
Mujtahid:
Aayat-ul-Allah Seestani

Print

Question: Was there any other Adam or World before this world and Adam. If yes then will there be other Adam

Answer: Rasool allah ne farmaya : allah ne haZrat adam (a,s) se phele 100000 adam paida kie hai . www.kazmis.com/Maqalat-4/42.htm (Khuda aap ki tawfiqaat mein izafa farmaye).

Id:
55847
Mujtahid:

Print

Question: 6 ramzan ko kon se nabi par konsi kitab nazil hui?

Answer: 6 ramzaan ko hazrat mosa (a.s) per towraat nazil hoi . ( ref: alqalamonline.com/index.../1271-452-sang-e-meel-ramazan-aur-quran) (Khuda aap ki tawfiqaat mein izafa farmaye).

Id:
61338
Mujtahid:

Print

Question: A.O.A HALAL OR HARAM JANWAR KA PATA KESY CHALTA HAI PLZ JALDI ANS DY SHUKRIYA

Answer: Wssalam o alykum, jaanwer ki 3 aqsam hain, 1 – pani k janwer jese machli waghera, 2 – urhne wale jese parinde, 3 – na-urne wala jese gaay, bakri waghera, 1 – Pani ka janwer : pani ke janwer main se chilke wali machli( ya jhenga machli) k ilawa koi halaal nahi hai, pas ager machli chilko wali ho or is ka Share tor per tazkiya kiya jaae to machli halaal hay.(Ref : Ayat Ullah Seestani(d.b), Minhaajus saliheen Part # 3, Maslah # 877 , eidition # 4th). 2 – Parinde : (i)Haram parinde, 1 – Har wo parinda jo cheerne phaarhne or panje wala ho haram hay. 2 –Kawwe ki tamaam aqsaam yahaan tak keh paharhi kawwe bhi ehtiyaat e wajib ki bina per haram hain., 3 –Har wo parinda jo urhte waqt paron ko maarta kam bay harkat ziyada rakhta hai or panje wala hai haram hota hay. 4 – ager parwaaz ki kefiyat se is k halaal ya haram hone ka taayyun karna momkin nah ho to ager wo parinda pota ya sangdana ya paaon ki pusht per kanta nah rakhta ho to haram hai, 5 – wo hewanaat jo baghair par k urhte hain maslan chimgadar, 6 – kirhay or makorhay. (Ref : Ayatullah Sistani(d.b),Tauzeehul masail , edition # 31 , maslah # 2587 , 2588). (ii)Halaal parinde, 1 – Har wo parinda jo urhte waqt paro ko maarta ziyada or beharkat kam rakhta hai, wo halal hay. 2 – ager parwaaz ki kefiyat se is k halal ya haraam hone ka taayyun karna momkin nah ho to ager wo parinda pota, sangdana or paaon ki pusht per kanta rakhta ho to halal hai. (Ref : Ayatullah Sistani(d.b),Tauzeehul masail , edition # 31 , maslah # 2587 , 2588). 3 – Na-urhne wale : Darinda sifat wale jin k bare barhe nakoon o panje hote hain in ka kahna haraam hai, jese sheer, lomrhi waghera. (Ref : Ayat Ullah Seestani(d.b), Minhaajus saliheen Part # 3, Maslah # 881 to 882 , eidition # 4th , Allah Taala hi tofiqaat main izafa farmaane wala hai). (Khuda aap ki tawfiqaat mein izafa farmaye)

Id:
56749
Mujtahid:

Print

Question: meaning of term zaroriat e deen and please give me atleast 2 examples of zaroriyat e deen?

Answer: Ager tamaam musalmaan kisi baat per mutafiq hon is ter ke in ke dermiyaan is baat main koi iktilaaf nahi hai to us baat ko Zaroriyaat e Deen main shumaar kiya jata hai jese kalimaa e toheed la ilaha il-lallah, or Muhammad Allah ke Rasool hai is ki gawahi dena, Namaaz, Roza ect. (Ref : Ayatullah Sistani(d.b),Tauzeehul masail , edition # 31 , maslah # 01 , Allah Taala hi tofiqaat main izafa farmaane wala hai).

Id:
60745
Mujtahid:
Aayat-ul-Allah Seestani

Print

Question: islam se kiya murad hia

Answer: Hazrat imam ali ( a.s) ne farmaaya : me islaam ki wo tareef kar raha hon jo muj se phele koe nahi kar saka hai. ( islaam tasleem hai ,aur tasleem yaqeen hai ,aur yaqeen tasdeeq hai aur tasdeeq iqraar hai aur iqraar adaa e farz hai aur adaa e farz amal hai. ( nejul balaagha.hakeemaana kalimaat no: 125) (Khuda aap ki tawfiqaat mein izafa farmaye).

Id:
57979
Mujtahid:
Aayat-ul-Allah Seestani

Print

Question: dog k bary m kia hukam hy .syed zady pol sakty hn r dog kitna haram hn tafsil sy bataen

Answer: Dog najis hai, yahan tak ke is ke baal, haddiyaan, panje, nakun or ratobatain bhi najis hai,albatta in ko paalna jaiz hai. (Ref : Ayatullah Sistani(d.b),Tauzeehul masail , edition # 33 , maslah # 102) . (Ref : Mujtahid se pochay gaey sawalaat, part # 3 , sawaal # 169 , pg # 76 , ALLAH TAALA hi tofiqaat main izafa farmaane wala hai).

Id:
10834
Mujtahid:
Ayatullah sistani

Print

Question: Q:Hum shaikh A.qadir jilani ko kyun nai manty jub ky hum ny yeh suna aur dekha bhe hai ky agar sanp ko shaikh a.qadir ka wasta dia jata hai tou woh kary sy bahir nai nikalta ?plz give me athantic answer

Answer: Deen e Islaam main 2 chezain hain, 1 – Usool e Deen, 2 – Furoo e Deen, or Usool e Deen paanch (5) hain (jo mashoor hain), 1 – Allah Taala per imaan 2 – Adal 3 – Rasoolo per imaan 4 – Imamat per Imaan 5 – Qayamat per imaan, pas ager koi insan in chezoo per imaan laye (chahe wo in buzurg-waro ko janta ho or Allah Taala ka neek banda manta ho ya na jaanta ho) to wo musalmaan o momin hai, pas in buzurg-waron (jinka apne naam liya) ko manna o na-maanna Deen ka hissa nahi hai jese itni bari dunya main bohat se ese naik bande hain, jo Allah Taala ke nazdeek mehboob hon ge lekin ham un ko nahi jaante is ke bawajood musalmaan o momin hain.(Ref : Sura e Al-Baqra (sura no 2) , ayat # 1 to 5 , Allah Taala hi tofiqaat main izafa farmaane wala hai).

Id:
10882
Mujtahid:

Print

Question: AS SALAMU ALEKAM MUJE PLZ DOWA KUBUL HONE KE WAZIFE DIJEH NA

Answer: Wssalam o alykum, Dua o Wazife ke liye chand sharait hai jin main se baaz ye hain, 1 – Wazife per amal (Allah Qadir o Tawana per tawakkul karte howe) kahlis niyat se karye, 2 – Shariat e Muqaddasa per amal karain or is ki mukhalifat se perhaiz karain, 3 – Jab tak Wazife o dua ke nataij saamne na aain is ko anjaam deta rehe. (Ref : nawaa e saleheen , pg # 214 , Allah Taala hi tofiqaat main izafa farmaane wala hai).

Id:
10911
Mujtahid:
BADUA

Print

Question: kia badua dena jaiz hai aur jab jab apko kisi sai bohat dukh takleef pohanchai kia badua jaldi lagti hai

Answer: Ager bad-dua momin ko di jarahi ho to is tarah ho k Allah Qahir o Muta-aal zalim ko is ke zulm ki had ke mutabiq saza de to jaiz hai.(Ref : Mujtahid se pochay gaey sawalaat, part # 2 , sawaal # 208).Jab insan kisi ko dua ya bad-dua deta hai to is ki waja ye hoti hai ke is ka dil us se kush howa hota hai ya na-khush, or jab bhi dua ya bad-dua ke alfaaz dil ki awaaz ban ke nikalte hain to esi dua o bad-dua qaboliyat ke ziyada qareeb hoti hai.(Ref: Sura e Al-Baqra – sura no 2 – , ayat # 186 , Allah Taala hi tofiqaat main izafa farmaane wala hai).

Id:
57794
Mujtahid:
Aayat-ul-Allah Seestani

Print

Question: Yasin naam rakhna kyun mana hai?

Answer: Mana nahi hai rakh sakte hen, agarche mustahab hai ke Ap (s.a.w) or 12 Masomeen (a.s) ke naam per naam rakha jaae. (Ref : Ayat Ullah Seestani(d.b), Minhaajus saliheen Part # 3, Maslah # 387 , eidition # 4th , Allah Taala hi tofiqaat main izafa farmaane wala hai).

Id:
59834
Mujtahid:
Aayat-ul-Allah Seestani

Print

Question: WILAYAT E FAQIH IS WAQT KN HAI.,..? OOR TAMAM MULKO KA AIK HI WILAYAT E FAQIH HAI YA ALAG ALAG HAI??

Answer: Wilayat e Faqih se mutalliq tamaam umoor (masalon) main Ayat Allah Sistani ke muqallid (chahe wo kahi bhi ho) ko in hi ki taraf ruju karna hoga. (Ref : Mujtahid se pochay gaey sawalaat, part # 2 , sawaal # 7 , Allah Taala hi tofiqaat main izafa farmaane wala hai).

Id:
59835
Mujtahid:
Aayat-ul-Allah Seestani

Print

Question: salam mai ye janana chate hu ki aqeeq aur firoza me kaya afzal hai aur isko pahnne se apki kismat badal jati ye sochna shai hai ya galat aqeeq har kaoi par feroza har koi nhai pahne sakta hai

Answer: Wssalam o alykum, dono apni apni jaga fazilat rakhte hain, jesa ke marvi Hadees main hai ke Parwerdigaar e aalam irshad fermata hai ke jis hath main Aqeeq o Feroze ki anghoti ho or wo mere aage dua ke liye phelaya jayaen mujhe us se sharam aati hai or main use na-umeed nahi pherta. (Ref : tehzib ul islaam , baab # 2 , topic # 5 , pg # 39 , Allah Taala hi tofiqaat main izafa farmaane wala hai).

Id:
10734
Mujtahid:

Print

Question: 7 zilhaj sahadat imam mohammad baqir (a.s) hamare bete ki wiladat huwi hai humko tariq ke munasebat name bataye. humne socha hai ke mohammad se koi name ho..

Answer: Muhammad Baqir rakh lain (Q k rawayat men anbiya or aaimaa masoomeen k naam rakhe ko achha mana gaya hai). (Ref : Ayat Ullah Seestani(d.b), Minhaajus saliheen Part # 3, Maslah # 387 , eidition # 4th , Allah Taala hi tofiqaat main izafa farmaane wala hai).

Id:
10733
Mujtahid:

Print

Question: Sir mene ap se ak sawal kia tha ke maani (SPERM) chak (teste) kar sakte hain plzz answer jaldi dain plzzzzzzzzzzzzzzzzzzzzzzzzzzzzzzzzz

Answer: G nahi. (Ref:Ayat Ullah Seestani(d.b), Istiftaat I-2,I-15 , Allah Taala hi tofiqaat main izafa farmaane wala hai).

Id:
10720
Mujtahid:

Print

Question: Kia Ye Sahi hey kay mojoda door kay AhleHadees sab Zana ki Paidawar hein??? Saray hi Harami Hein?

Answer: Nahi. (Ref : aqa sistani,Jadeed faqhi masail , masala # 404 , eidition # 5 , Allah Taala hi tofiqaat main izafa farmaane wala hai).

Id:
58297
Mujtahid:

Print

Question: Quran Majeed m kitni masjid ka zikr aaya hai ? Please

Answer: Quran main 3 Masjido ka naam le ker zikar aya hai: 1-Masjid-e-Zaraarr,2-Masjid-e-Aqsa, 3-Masjid-e-Haraam or 2 masjido ka isharatan zikr aya hay jin k naam ye hain: 1- masjid e quba or 2-masjid e nabavi. (Ref: Quran)(Khuda aap ki tawfiqaat mein Izafa farmaye).

Id:
54510
Mujtahid:

Print

Question: what is the mean quraan

Answer: (Quran ka asal matlb parhna or tilawet krna hai) or quran us kitab ko kehte hen jo ALLAH ka wo kalaam hai jo Janaab e Muhammad Rasool Allah (s.a.w) per nazil howa or wo masahif(yani safhon main) likha howa hai.(Ref :al-qaamoos al-waheed , ALLAH TAALA tofiqaat main izafa farmaae).

Id:
54517
Mujtahid:

Print

Question: kya hafiz e quran say bara makam kisi ka hay ???? or kya hifz krnay wala or nazra pharna waly ka makam brabar ho sktay han ????

Answer: ALLAH TAALA Quraan e Majeed main kud Apne nazdeek mukarram shaks ka meyaar bayaan farmaa raha hai ke eh logo! tum main Allah ke nazdeek ziyada mukarram insan wo hai jo ziyada muttaqi ho pas basa uqaat Hafiz e Quraan mutaqi hota hai to wo ALLAH TAALA ke nadeek dosre shaks se (chahe ye Hafiz e Quraan ho ya na ho)jo us se kam muttaqi hai ziyada mukarram hota hai, or basa oqaat ik geer Hafiz e Quraan Hafiz e Quraan se ziyaada mukarram hota hai kun ke wo muttaqi hai.(Ref : sura e al-hujraat # 49 , aayat # 13 , ALLAH TAALA tofiqaat main izafa farmaae).

Id:
54554
Mujtahid:
Aayat-ul-Allah Seestani

Print

Question: Iman Ka Zahoor kehna Wiladat ki Gagha Galat hai ya Sahe ? kia wiladat ki gagha Zahoor kehna Guhan hai?

Answer: Lafz e wiladat ki jaga lafz e zahoor ke istamaal ka natija MASOMEEN (a.s) ki mukhalifat hai kun ke AP (a.s) ne wiladat ki jaga wiladat ka or zahoor ki jaga zahoor ka lafz istamaal farmaaya, kun ke dono ke mane mukhtalif hain.(ALLAH TAALA tofiqaat main izafa farmaae).

Id:
54562
Mujtahid:
Aayat-ul-Allah Seestani

Print

Question: salam mera sawal hay k ek non muslim jo k shia muslim ho chuki hy or Pakistan ah kar ek Pakistani shia muslim say shadi karnay ahti hay laykin passport or documents min name wohi hy non muslims wala to kia shadi ho sakti hy yani nikah mein us kay us nam ki way rokawat to nahi ho ge bad mein change karwaya ja sakta hy

Answer: wssalam o alykum, Gee han shanakhti card men likhe hue un namaon ka koi aytbar nahi hai nikah ho sakta hai bad men wo naam tabdeel krke ache naam diye ja sakte hen. (Ref : Ayatullah Sistani(d.b),Tauzeehul masail , edition # 1414 , maslah # 2335 , ALLAH tofiqaat main izafa farmaae).

Id:
32712
Mujtahid:
Allama Seestani shb

Print

Question: kia mery chirstmas kehna kisi esai ko jaez hy ?

Answer: yahudiyon aur esaiyo aur digar ahle kitab, ise tara ahle kitab k ilawa dosere kafiro ko Mubarak baad dena jaiz hai jin ka wo jashan manate hai. jese chrismis aur ester ka tehwaar.(Ref : aqa sistani,Jadeed faqhi masail ,masla #310 , pg # 185, eidition 5) (Khuda aap ki tawfiqaat mein izafa farmaye).

Id:
32694
Mujtahid:
S

Print

Question: ZABOOR KIS ZABAN MEIN NAJIL HUI?

Answer: zaboor ibrani zabaan me nazil hoi. Aur hazrat daood (a.s)per nazil hoi .(Ref: w.w.w islamieducation .com , que : 2, w.w.w urdu .co,pg:3 ) (Khuda aap ki tawfiqaat mein izafa farmaye).

Id:
32813
Mujtahid:
student

Print

Question: mra sawal ye hy k. Ye jo ham dunia ke taleem prhty hn. Jsy k chemstry,phys, math wgra kea ye be us ilam myn shamil hy js k hasil krny ka huqum r sawab h.

Answer: Jis Ilm ka hasil krne ka hukm diya gaya hai ya jis ilm k hasil krne ka sawab ka kaha gaya wo ilm-e-deen hai yani aysa ilm k jis k na seekhne ki waja se insane kisi gunah men mubtala horaha ho sharae masaail men b yehi btaya jata hai k mukallaf ( wo shakhs jis per shari zimedariya wajib hote hai ) k liye wo tamam masail (ilm) seekna lazim hai jin k bare me ahtemaal(use andesha)hai k na seekne ki waja se khuda ki maseyat(ghuna) me mubtela ho sakta hai , yani kise wajib ko tarak karne ya kise haram ko anjaam dene k murtakib ho sakta hai.(Ref: Ayatullah Sistani(d.b),Tauzeehul masail 31st edition, maslah # 9) Note: Han Albatta wo dunyavi uloom jinka ane zikr kiya agr ap inko khuda ki khushnudi or insaniyat ki falah-o-bahbood ki khatir hasil kren to is men sawab hai (jese doctor ka ilm-e-tib b seekhna take is k zariye se insaniyat ki khidmat kr sake)

Id:
54059
Mujtahid:

Print

Question: Kya. Main apne bache ka naam Muhammad Ali rakh sakta hon

Answer: Bache ka naam Muhammad Ali rakhna mustahab hai. (Ayat Ullah Seestani(d.b), Minhaajus saliheen Part # 3,maslah # 387 , ALLAH tofiqaat main izafa farmaae).

Id:
50925
Mujtahid:
Aayatullah Seestani r.a

Print

Question: Qibla Aaj se taqreeban 800 saal pehle Hamare jadd ne Maslak e Jafari ikhtiyaar kiya aur asna ashari ho gaye to kya is aitybar se apny naam ke sath Jafari lagana Sahi hoga?

Answer: Jafferi k 2 matlab hain, 1 Imaam Jaffar sadiq (a.s) ki fiqh ke pero karoo ko jaffry kehte hain 2 her wo fard jo Imaam Jaffar o Sadiq (a.s)ki ulaad main se ho us ko jaffry khaha jata hai.(Ref ; superman in islaam , pg # 29). Note ager ap un ki ulaad main se hain to ap apne ap ko dono mana main jaffry keh sakte hain, or ager ulaad main se nahi hain to pehle mana main jaffry keh sakte hain.( ALLAH TAALA tofiqaat main izafa farmaae).

Id:
54584
Mujtahid:

Print

Question: I want the meaning of this line Faqeer ka mara Kafir Huta hy Agr Chy Wo Khuda Ka Wali ho

Answer: ye ik muhaawra hai jis ke mana ye hain ke faqeer apne haalaat se majboor ho ke khalis niyat ke sath ALLAH ko pokaarta hai to is ki ye aawaaz ALLAH ki RABOOBIYAT ko mutajalli karti hai, pas ye aawaaz ager kisi ke haq main ho to ye tajalli us per REHMAT ki sorat main zahir hoti hai, or ager kisi ke kilaaf ho to ye tajalli us ke liye zehmat ban jati hai phir ye TAJALLI nahi deekhti ke ye wali hai ya koi or. Note: ye faqat aik mahaawra hay is ko haqiqat ya shariyat ka koe masla nah samjha jay.

Id:
52649
Mujtahid:
sarfaraz

Print

Question: Sarfaraz name ke meaning kya hain

Answer: Sar-faraz ka matlab

Id:
10665
Mujtahid:

Print

Question: kya Huzoor S. A. W per Salaam parrna jayz hai Please kisi proof ke sath betain ?

Answer: Jb bhi insan hazrat Muhammad (s.a.w.w) ka name ya laqab ya kunyat zaban sy adaa karay ya sunay tou chahay namaz mai hi q na ho,mustahab hai k durood bhejay. (Ref:Ayatullah Sistani(d.b),Tauzeehul masail 33th edition,maslah #1112)

Id:
53932
Mujtahid:
Aayat-ul-Allah Seestani

Print

Question: salam sir jumy k din ya uks ilava ksi b din ladies qabarstaan mai jaskti hain ya nhi plz is ka ans zror dena

Answer: Gee haan oraton ka qabrstan jana jaiz hai, peer k din, junmerat k din khususan sham k wqt or hafte ko subah k wqt qabristan jane ki takeed warid hui hai.(Ref: Mujtahid se Puche gaye sawalat, Ayatul_Allah Sistani(d.b) Part#3,Pg#85,Ques#202).Khuda apki tofeeqat men izafa frmaye)

Id:
54000
Mujtahid:
Aayat-ul-Allah Seestani

Print

Question: what is meant by ehtiyat e wajib

Answer: Ehtiyate wajib yane wo hukum jo ehtiyat k mutabiq ho aur mujtahid ne is k sath fatwa na diya ho ayse masail me taqleed karne wala us mujtahid ki taqleed kar sakta hai jo aalam (yane wo mujtahid jo apne zamane k digar mujtahideen ki nisbat ahkam ilahe ko samajne ki behtar salahiyat rakhta ho) k baad ilm me sab se barh kar ho.(Ref: Ayatullah Sistani(d.b),Tauzeehul masail 31st edition,masla:2pg:#15, 486) (Khuda aap ki tawfiqaat mein izafa farmaye).

Id:
9164
Mujtahid:

Print

Question: asalam alaikum mohtram buzrug, kya koi aisa tareeqa kaar nahi hai ke aap se akele mein sawal puchen jaayen apna masla bayaan kia ja saky jo logon ko na dikhe? braaye meherbani rehnumaai farmayen

Answer: ( Please contact: 02132226948 or 02132237207 9am to 1 am )

Id:
16505
Mujtahid:

Print

Question: sir aap jo masly bataty he wo ap fiqqa hanfi ya fiqa jafria se bataty he?

Answer: Note : Is website per fiqha-e-jaffaria kay mutabiq jawabaat diay jatay hain.

Id:
10676
Mujtahid:
yes

Print

Question: mera sawal yeh hai keh Islam mein makroohat sy kia muar lia jata hai.

Answer: Makroh yani na pasandidah kaam,wo kaam jiska anjaam daina haram nah ho laikin anjaam nah daina behter ho. (Ref:Ayatullah Sistani(d.b),Tauzeehul masail 33th edition,pg#493). (Khuda aap ki Tawfiqaat mein Izafa farmaye)

Id:
51844
Mujtahid:
Al stayed Ali

Print

Question: Can I download the wallpapers you have on the website? I already did, but if you disagree, I will delete them.

Answer: Yes, you can download wallpapers from this website.

Id:
49414
Mujtahid:
NA

Print

Question: Lohay ka zikr quran ki kis surat ma hai?

Answer: Para# 27, surah hadeed (yani loha)# 57, me lohay ka tazkera hay. (Khuda aap ki tawfiqaat mein izafa farmaye).

Id:
49424
Mujtahid:
ihl e shea

Print

Question: 61 hijri me jb imam hussain ka qafla puhancha to us qaaflay me azan dene wala kon tha. name bataen.

Answer: Hazrat imam hussain (a.s) k moazzin ka naam hajjaaj bin masrooq tha. (Ref:ahsan ul maqaal,jil 1,pg 443) (Khuda aap ki tawfiqaat mein izafa farmaye).